Deputat və məmur oğlu icra başçıları təyin edildi - PREZİDENT SƏRƏNCAMI İLƏ
Hacıqabul rayonunun icra başçısı dəyişdirilib.
APA TV-nin məlumatına görə, Prezident İlham Əliyev Əhməd Kərəm oğlu Muxtarovu Hacıqabul Rayon İcra Hakimiyyəti başçısı vəzifəsindən azad edərək, həmin posta Rüstəm Gülabba oğlu Xəlilovu təyin edib.
Xatırladaq ki, 61 yaşlı Rüstəm Xəlilov Milli Məclisin Regional məsələlər komitəsinin üzvü olub.
Prezident həmçinin Vüqar Vahid oğlu Novruzovu Naftalan Şəhər İcra Hakimiyyətinin başçısı təyin edib. O, buna qədər Xəzər Rayon İcra Hakimiyyəti başçısının müavini olub.
Qeyd edək ki, 39 yaşlı Vüqar Novruzov Auditorlar Palatasının sədri Vahid Novruzovun oğludur.
