Erməni əsirliyindən azad edilərək Azərbaycana gətirilən Dilqəm Əsgərov dostu Həsən Həsənovun məzarını ziyarət edib.

 

Məlumat üçün bildirək ki, Dilqəm Əsgərov, Şahbaz Quliyev və Həsən Həsənov 2014-cü ilin iyul ayında Kəlbəcər rayonunda yaxınlarının məzarını ziyarət edərkən erməni quldurları tərəfindən əsir götürülüb. Bu zaman H.Həsənov orada qətlə yetirilib, D.Əsgərov və Ş.Quliyev isə 6 ildən artıq erməni əsirliyində saxlanılıb.

 

İkinci Qarabağ müharibəsindən sonra əldə olunan razılaşmaya əsasən, D.Əsgərov və Ş.Quliyev Azərbaycana qaytarılıb. Onlar bir müddət karantin rejimində saxlanıldıqdan sonra bu gün doğmalarının yanına buraxılıblar.