Şəmkirdə yanğın hadisəsi baş verib.

 

APA TV-nin yerli bürosunun verdiyi məlumata görə, hadisə rayonun Çinarlı qəsəbəsində qeydə alınıb. Qəsəbə sakini 1977-ci il təvəllüdlü Anar Allahverdiyevə məxsus fərdi yaşayış evi ümumi sahəsi 300 Kvm olan evdə anidən yanğın başlayıb. Dərhal hadisə yerinə FHN-nin Dövlət Yanğından Mühafizə Xidmətinin Şəmkir rayon Dövlət Yanğından Mühafizə Hissəsinin canlı qüvvəsi və yanğın söndürən avtomobilləri cəlb olunub. Yanğın zamanı 4 otaqlı evin 2 otağı əşyaları ilə birlikdə yanıb. Evin qalan hissəsi yanğından mühafizə olunub, alov yanğından mühafizə bölmələri tərəfindən söndürülüb.

 

Hadisəni baş vermə səbəbləri araşdırılır.

 

Fuad Nazimoğlu,

APA TV, Şəmkir