Döyülüb pensiyası əlindən alınan yaşlı kişi öldü - ŞƏMKİRDƏ DƏHŞƏTLİ QƏTL
Şəmkirdə qətl törədilib.
APA TV-nin qərb bürosunun məlumatına görə, Şəmkir rayon sakini Xəqani Nəsibov həmyerlisi 87 yaşlı Dostumalı İbrahimovu döyərək 350 manat pulunu zorla əlindən alıb.
Polis Xəqani Nəsibovu saxlayıb.
İstintaqla müəyyən olunub ki, Dostumalı İbrahimov bankomatdan pul çıxaran zaman Xəqani Nəsibov onu güdüb. Pulun çıxarıldığını görən kimi kişiyə yaxınlaşaraq onu evinə çay içməyə dəvət edib.
Evə çatan kimi Xəqani Nəsibov yaşlı kişini döyərək əlindəki pulu alıb.
Xatırladaq ki, Dostumalı İbrahimov hadisədən bir gün sonra yaşadığı evdə keçinib.
Faktla bağlı cinayət işi başlanıb.
