Elmar Məmmədyarov: “Həmsədrlərin regiona səfəri gözlənilir”
Bu ayın sonunadək Azərbaycan və Ermənistan Xarici İşlər nazirlərinin görüşü planlaşdırılıb.
APA TV-nin xəbərinə görə, bunu Azərbaycanın Xarici İşlər naziri Elmar Məmmədyarov deyib.
Onun sözlərinə görə, ATƏT-in fəaliyyətdə olan sədrinin Dağlıq Qarabağ münaqişəsi üzrə xüsusi nümayəndəsi Anjey Kaspşiklə görüşdə bu məsələ müzakirə olunub.
Nazir bildirib ki, ilin birinci rübündə ATƏT-in Minsk qrupu həmsədrlərinin regiona səfəri nəzərdə tutulub. O, səfərin dəqiq tarixinin daha sonra müəyyənləşəcəyini bildirib.
