Erməni komandir diversiya törətmək tapşırığı aldığını etiraf edib
Avqustun 23-də cəbhənin Goranboy rayonu istiqamətində təxribat törətməyə cəhd göstərərkən əsir götürülmüş Qurqen Alaverdyan Goranboy rayonu istiqamətində Azərbaycan Ordusuna qarşı diversiya törətmək tapşırığını aldığını etiraf edib.
APA TV-nin məlumatına görə, o, həmçinin harada anadan olması və Kəlbəcər rayonunda xidmət etdiyi barədə məlumat verib.
Qeyd edək ki, bu məlumatlar Ermənistan Silahlı Qüvvələri diversiya-kəşfiyyat qrupunun əsir götürülmüş komandirinin videomüraciətində yer alıb.
