Ermənistan Rusiyadan kömək istəyib - APA TV Ermənistan Azərbaycanla sərhəddəki gərginliyin nizamlanması üçün kömək istəyib. APA TV-nin Moskva müxbirinin məlumatına görə, bu barədə Rusiya Xarici İşlər Nazirliyinin yaydığı bəyanatda bildirilib. Qeyd olunub ki, Ermənistan rəhbərliyindən mövcud ikitərəfli razılaşmalara uyğun olaraq və KTMT xətti ilə vəziyyətin həllinə köməklik göstərilməsi xahişi ilə müraciət daxil olub: "Biz Bakı və İrəvanla sıx təmasdayıq. Ümid edirik ki, Rusiyanın vasitəçiliyi nəticəsində sentyabrın 13-də Moskva vaxtı ilə saat 09.00-dan etibarən atəşkəslə bağlı əldə olunan razılıq tam həcmdə həyata keçiriləcək”. Xatırladaq ki, Rusiya Xarici İşlər Nazirliyi Azərbaycan və Ermənistan sərhədindəki gərginliklə bağlı bəyanat yayaraq baş verən eskalasiyadan narahatlığını ifadə edib.