Gürcüstanın Saqareco şəhərində dəhşətli cinayət hadisəsi baş verib.

49 yaşlı keçmiş hərbçi Nodar Atuaşvili yaşayış binasında mənzillərdən birinin eyvanından ətrafa atəş açıb.

Hadisə nəticəsində 5 nəfə ölüb, 5 nəfər isə yaralanıb.

Gürcüstan Daxili İşlər Nazirliyinin məlumatında qeyd olunub ki, hadisə zamanı dərhal həmin əraziyə polislər cəlb edilib. Bu zamən cinayətkar polislərə də atəş açıb. Daxili işlər naziri Vaxtanq Qomelauri bildirib ki, polislərdən biri ölüb, birinin vəziyyəti ağırdır, həkimlər onun həyatını xilas etmək üçün mübarizə aparırlar. O əlavə edib ki, polis dəstəsi gələnə qədər silahlı şəxs atəş açaraq intihar edib. Faktla bağlı qəsdən adam öldürmə, o cümlədən qanunsuz olaraq odlu silah və döyüş sursatı əldə etmə, saxlama və gəzdirmə maddəsi ilə istintaq aparılır. Hadisə ilə bağlı əlavə məlumatlar dəqiqləşdirilir.