Evlərin satışı və kirayəsi son dövrlərdə daha çox elan saytları vasitəsilə aparılır. Bu səbəbdən ev almaq və ya kirayələmək istəyənlər həmin saytlara üz tuturlar. Lakin bu saytlarda vətəndaşların etibarından sui-istifadə edənlər az deyil. Mütəxəssislər belə problemlərin yaranmaması üçün prosesin rəsmi qaydada aparılmasını tövsiyə edir. Beh adı ilə şəxsin aldadılması ilə bağlı müddəalar Cinayət Məcəlləsinin 178-ci maddəsində əksini tapıb. 500 manatdan 5 min manata qədər dələduzluq yolu ilə pul alan şəxsin əməlində həmin maddənin tərkibi yaranır. Sözügedən əməllər külli miqdarda və mütəşəkkil dəstə tərəfindən törədildikdə isə 5 ildən 10 ilədək azadlıqdan məhrum etmə cəzası nəzərdə tutulur.

ORXAN ASLAN TURAL ƏLİZADƏ APA TV