Evdə tək qalan azyaşlı yanğın törətdi
Tovuzda yaşayış binasında yanğın baş verib.
APA TV-nin yerli bürosunun məlumatına görə, yanğın rayonun Heydər Əliyev prospektində yerləşən 5 mərtəbəli yaşayış binasının 4-cü mərtəbəsində qeydə alınıb. Belə ki, Arifə Qasımovaya məxsus 5 otaqlı evdə yanğın baş verib.
Dərhal hadisə yerinə FHN əməkdaşları cəlb olunub. Yanğın söndürülüb.
Məlumata görə, yanğını evdə tək qalan azyaşlı törədib.
Hadisənin başvermə səbəbləri araşdırılır.
