Şəmkir sakini əvvəlcə arvadına küt alətlə xəsarət yetirib, daha sonra dostunu bıçaqlayıb.

APA TV xəbər verir ki, hadisə rayonun Morul kəndində qeydə alınıb.

 

Kənd sakini 1993-cü il təvəllüdlü Siyavuş Pənahov arvadı, 1995-ci il təvəllüdlü Gülşən Pənahovanı qısqanclıq zəminində döyüb və ona küt alətlə xəsarət yetirib. Daha sonra dostu və qonşusu olan 1996-cı il təvəllüdlü Misafi Cəfərova çoxsaylı bıçaq zərbələri endirib. Yaralı çoxsaylı bıçaq yarası ilə xəstəxanaya yerləşdirilib.

 

Hadisəni törədən şəxs polis tərəfindən saxlanılıb.

 

Faktla bağlı araşdırma aparılır.

 

Fuad Nazimoğlu,

Mehdi Məmmədov,

APA  TV