12:11 24 noyabr 2022 55
Ana səhifə Xəbərlər

Əvvəllər 7 dəfə həbs olunan İmişli sakini görün bu dəfə nə üstündə tutuldu

İmişli rayon sakininin evindən 7 kiloqrama yaxın narkotik aşkarlanıb.

 

Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, İmişli Rayon Polis Şöbəsinin əməkdaşları tərəfindən keçirilən əməliyyat tədbiri nəticəsində narkotiklərin qanunsuz dövriyyəsində şübhəli bilinən rayon sakini, 53 yaşlı Eldəniz Nəsirov yaşadığı evin yaxınlığında saxlanılıb. Həmin şəxsin üzərinə keçirilən baxış zamanı ondan narkotik maddə olan heroin aşkarlanıb.

 

Əməliyyat tədbirlərinin davamı olaraq Eldəniz Nəsirovun yaşadığı ünvana keçirilən baxış zamanı oradan 6 kiloqrama yaxın marixuana və 910 qram heroin aşkar edilərək götürülüb.

 

Faktla bağlı cinayət işi açılıb, saxlanılan şəxs barəsində həbs qətimkan tədbiri seçilib.

 

Eldəniz Nəsirov bundan əvvəl də müxtəlif cinayətlərə görə yeddi dəfə məhkum olunub.

Müəllif | Apa.Tv

Apa.tv

Kodu kopyalayın