Futbol şərhçisi faciəvi şəkildə öldü
Bakı-Quba yolunda ölümlə nəticələnən yol-nəqliyyat hadisəsi baş verib.
Hadisə Xızının Giləzi qəsəbəsi ərazisində qeydə alınıb.
Mikroavtobusla minik maşınının toqquşması nəticəsində minik avtomobilinin sürücüsü, 1951-ci il təvəllüdlü Abdul Rəsul oğlu Abdulov və mikroavtobusun sərnişini Elvin Rüstəmov ölüb.
Xəsarət alan digər 5 nəfər Siyəzən Regional Diaqnostika Mərkəzinə yerləşdirilib.
Məlumata görə, Elvin Rüstəmov "Neftçi" TV-də şərhçi kimi fəaliyyət göstərib. O, Xızı rayonu Baxışlı kənd tam orta məktəbinin fiziki tərbiyə müəllimi idi.
Faktla bağlı araşdırma aparılır.
