“Füzulidən atamla çıxmışdıq, atamsız qayıdıram”
Böyük qayıdış çərçivəsində keçmiş məcburi köçkünlərin işğaldan azad olunmuş ərazilərə qayıdışı davam edir. Belə ki, bu gün də Bakı şəhərinin Qaradağ rayonundakı “Qobu park 3” yaşayış kompleksindən Füzuli şəhərinə daha 21 ailə olmaqla 88 nəfər köçürülüb. Daha da gözəlləşən və abadlaşan Füzuli şəhərinin sakinləri doğma yurda qayıtmağın sevincini yaşayırlar. Füzuli sakinləri torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildiriblər, bu yolda canlarından keçən şəhidlərimizə Allahdan rəhmət diləyiblər. Qeyd edək ki, köçürülən ailələr Füzuli şəhərində yenidən tikilən evlərdə məskunlaşacaqlar. Bununla da Füzuli şəhərində 165 ailə, yəni 602 nəfərin daimi məskunlaşması təmin edilib. LƏMAN
SALEHOVA
ARİF ƏLİYEV
APA TV
