Gədəbəydə iki mülki şəxs minaya düşüb.

Hadisə rayonun Sonalı kəndində qeydə alınıb.

APA TV xəbər verir ki, mayın 11-də saat 17 radələrində 2 mülki şəxsin Gədəbəy rayonunun Ermənistanla sərhəd olan ərazisində minaya düşmələri barədə rayon prokurorluğuna məlumat daxil olub. Aparılmış araşdırmalarla Gədəbəy rayon sakinləri - 1995-ci il təvəllüdlü Kamran Namazov və 1994-cü il təvəllüdlü Səddam Nəsibovun kənd-təsərrüfat fəaliyyəti ilə məşğul olarkən qeyd edilən ərazidə minaya düşmələri nəticəsində Kamran Namazovun ağır dərəcəli bədən xəsarəti alması, Səddam Nəsibovun isə müxtəlif dərəcəli bədən xəsarətləri alması müəyyən edilib.

Yaralılar Şəmkir rayon Mərkəzi xəstəxanasının reanimasiya şöbəsinə yerlədirilib.Kamran Namazovun  sol ayğının dizdən aşağı  hissəsi ambutasiya  edilib, vəziyyətinin orta ağır olduğu bildirilir. Digər xəstənin xəsarəti yüngül olduğundan evə buraxılıb.

Faktla bağlı Gədəbəy rayon prokurorluğunda araşdırma aparılır.