Qara dənizdə batan gəminin göyərtəsində bu dəfə insanlardan çox qoyun olub.

APA TV-nin “Reuters”ə istinadən məlumatına görə, mal-qara daşınması üçün nəzərdə tutulan “Queen Hind” adlı xüsusi gəmi Rumıniyanın Midiya limanından Qara dənizə çıxarkən çevrilib.

 

Palau bayrağı altında üzən gəmidə 14600 baş qoyun olub. Onlardan yalnız 33-ü xilas etmək mümkün olub.

Liviyadan gələn gəmi Səudiyyə Ərəbistanına istiqamətlənib. Ekipaj üzvləri isə suriyalılar olub. Onların hamısı təxliyə edilib.

 

Gəminin həddən artıq yüklü olduğu üçün çevrildiyi ehtimal olunur.

Faktla bağlı araşdırma aparılır.