Gəncədə dəm qazından zəhərlənmə hadisəsi baş verib. Hadisə şəhərin Atatürk prospektində yerləşən 5 mərtəbəli yaşayış binasının 3 mərtəbəsində yerləşən mənzildə qeydə alınıb. Dəm qazından dünyasını dəyişən həmin ünvanda yaşayan 1954-cü il təvəllüdlü Fərəcov Eteri Davud qızıdır. Hadisədən ilk xəbər tutan qonşular olub. Dünyasını dəyişən qadının övladı 1985-ci il təvəllüdlü Rufan Fərəcov isə zəhərlənmə diaqnozu ulə Gəncə şəhər Birləşmiş xəstəxanasının Zülfüqar Məmmədov adına xəstəxanasına yerləşdirilib. İlkin məlumata görə hər iki şəxs yaşadıqları evin hamam otağında qazla işləyən su qızdırıcısından zəhərləniblər. Hadisə ilə bağlı Gəncə şəhər prokurorluğunda araşdırma aparılır.

Fuad Nazimooğlu, Elşad Cəfər, APA TV