Gəncədə növbə üstündə dava: 1 nəfər xəstəxanaya, 1 nəfər həbsxanaya düşdü

Gəncədə ödəmə terminalının qarşısında növbə üstündə yaranan dava bir nəfərin ağır xəsarətlər alması ilə nəticələnib. Hadisə Gəncənin Azərbaycan əsgəri küçəsində qeydə alınıb. Şəhər sakini, 48 yaşlı Emin Məmmədovla 39 yaşlı Elçin Fərhadzadə arasında yaranan dava arzuolunmaz sonluqla bitib. Yaralanan Emin Məmmədov xəstəxanaya aparılıb və ona müvafiq tibbi yardım göstərilib. Emin Məmmədov deyir ki, Elçin Fərhadzadə ilə arasında əvvəldən tanışlıq və ədavət olmayıb. Baş vermiş hadisə ilə bağlı hüquq-mühafizə orqanları tərəfindən qanunauyğun tədbirlər görülüb. DİN Mətbuat xidmətinin əməkdaşı bildirib ki, məhkəmənin qərarı ilə Elçin Fərhadzadə barəsində 4 aylıq həbs qətimkan tədbiri seçilib. Qeyd edək ki, Emin Məmmədovun hadisədən əvvəl də 2-ci qrup gözdən əlilliyi olub. Fuad Nazimoğlu, Mehdi Rəşid, APA TV

Müəllif | Apa.Tv
Apa.tv