Gəncədə piyadanın ölümü ilə nəticələnən yol qəzası baş verib.

APA TV-nin yerli bürosunun məlumatına görə, hadisə şəhərin Əziz Əliyev prospektində qeydə alınıb.

Hərəkətdə olan “Volkswagen Tuareg" markalı minik avtomobili yolu süpürən şəhər Təmizlik İdarəsinin əməkdaşı Elminaz Məmmədovanı vurub. Qadın aldığı ağır xəsarətlərdən hadisə yerində dünyasını dəyişib.

Qəzadan sonra “Volkswagen Tuareg" markalı avtomobil "Toyota Corolla" markalı avtomobilə çırpılıb. Qəza zamanı sürücülər xəsarət almasa da avtomobillərə ziyan dəyib.

Faktla bağlı araşdırma aparılır.