Gəncədə yol-nəqliyyat hadisəsi baş verib.

 APA TV-nin məlumatına görə, hadisə şəhərin Şah İsmayıl Xətai prospektində qeydə alınıb. Hərəkətdə olan “Hundai” markalı minik maşını “Mercedes” markalı avtomobili ilə toqquşub. Qəza zamanı “Mercedes” iki hissəyə bölünüb.  

Hadisə zamanı “Mercedes”in sürücüsü və avtomobildə olan  sərnişin 1989-cu il təvəllüdlü Fərid Təbriz oğlu Sucayev xəsarət alaraq xəstəxanaya yerləşdirilib. Yaralıların vəziyyətinin orta ağır olduğu bildirilir.

İlkin məlumata görə, qəzaya səbəb avtomobillərdən biri ötmə əməliyyatını düzgün yerinə yetirməyib. Hadisə yerinə DYP əməkdaşları cəlb olunub. Faktla bağlı araşdırma aparılır.