Goranboyda yol nəqliyyat hadisəsi baş verib.

APA Tv-nin yerli bürosunun məlumatına görə, hadisə  Bakı-Qazax magistralının  rayonun Goran qəsəbəsindən  keçən hissəsində qeydə alınıb.

Belə ki, "Mazda" markalı minik maşını üzü Gəncə istiqamətində olarkən idarəetmədən çıxaraq, dəmir arakəsmələrə çırpılıb. Qəza nəticəsində avtomobildə olan sərnişin 1967-ci il təvəllüdlü Bakı sakini olan sərnişin Quliyeva Şöhrət Rüfət qızı ağır xəsarət alaraq, Yevlax Rayon Mərkəzi Xəstəxanasına yerləşdirilib. Xəstənin vəziyyətinin kafi olduğu bildirilir. Avtomaşında olan digər  2 nəfər isə  yüngül xəsarət alıb. Sürücünün sözlərinə görə, qəzaya səbəb avtomobilin qabaq təkərin çıxması olub.

Faktla bağlı araşdırma aparılır.