Goranboyda yol-nəqliyyat hadisəsi baş verib.

APA Tv-nin yerli bürosunun məlumatına görə, hadisə Bakı-Qazax yolunun, rayonun Borsunlu kəndindən keçən hissəsində qeydə alınıb.

“VAZ-21010” markalı, 20-DA-208 dövlət nömrə nişanlı minik avtomobili, hərəkətdə olan “KamAZ” markalı yük maşınına arxadan çırpılıb.

Qəza nəticəsində minik avtomobilinin sürücüsü 1998-ci il təvəllüdlü Əliyev Rəşad Ramiz oğlu xəsarət alıb.

Yaralı xəstəxanaya yerləşdilib, vəziyyətinin kafi olduğu bildirlir. İlkin etimala görə, qəzaya səbəb yüksək sürət olub.

Hadisə yerinə DYP əməkdaşları cəlb olunub.

Faktla bağlı araşdırma aparılır.