Goranboyda yaşayış evində yanğın baş verib.

 

APA TV-nin yerli bürosunun xəbərinə görə, hadisə rayonun Gülməmmədli kəndində qeydə alınıb.

 

Kənd sakini Vurğun Əmrahova məxsus  yaşayış evində qəfildən yanğın başlayıb. Hadisə yerinə dərhal FHN-in yanğınsöndürən avtomobilləri və canlı qüvvəsi cəlb olunub. Ümumi sahəsi 110 m² olan birmərtəbəli evin yanar konstruksiyaları 60 m² sahədə yanıb. Yanğın zamanı evin bəzi əşyaları yanıb, evin qalan hissəsi yanğından mühafizə olunub və yanğından mühafizə bölmələri tərəfindən yanğın söndürülüb.

 

Hadisənin səbəbləri araşdırılır.

 

Fuad Nazimoğlu

APA TV Goranboy