Göyçayda üç nəfərin xəsarət alması ilə nəticələnən yol-nəqliyyat hadisəsi baş verib.

 

APA TV-nin yerli bürosunun xəbərinə görə, hadisə rayonun Qarabaqqal kəndi ərazisində qeydə alınıb.

 

Rayon sakini, 1964-cü il təvəllüdlü Əhməd Bəşirovun idarə etdiyi "VAZ 2106" markalı avtomobillə 1944-cü il təvəllüdlü Fəzail İbadova məxsus "QAZ 2410" markalı minik maşını toqquşub.

 

Hadisə zamanı hər iki avtomobilin sürücüsü yüngül xəsarət alıb.

 

"QAZ 2410"-un sərnişini Mədinə Həsənova isə müxtəlif dərəcəli bədən xəsarətləri aldığı üçün Göyçay Mərkəzi Rayon Xəstəxanasına yerləşdirilib.

 

Faktla bağlı araşdırma aparılır. 

 

Şahnəzər Bəşirov

APA TV