Göyçay rayon sakini bədbəxt hadisə nəticəsində dünyasını dəyişib.

 

APA TV-nin yerli bürosunun xəbərinə görə, hadisə Orxan Maqsudova məxsus yeni tikilmiş 3 mərtəbəli sahibkarlıq obyektində baş verib.

 

Belə ki, rayon sakini, həmin obyektdə usta işləyən 1989-cu il təvəllüdlü Sadiq Fətullayev ehtiyatsızlıq etdiyi üçün cərəyan onu vurub.

 

Məlumata görə Sadiq Fətullayev binanın fasad hissəsində işləyən zaman əlindəki dəmir əşyanın yaxınlıqdan keçən elektrik şəbəkəsinin naqillərinə toxunması nəticəsində hadisə baş verib. O, təcili olaraq Göyçay rayon Mərkəzi Xəstəxanasına aparılarkən yolda dünyasını dəyişib.

 

Faktla bağlı araşdırma aparılır.

Şahnəzər Bəşirov,

APA TV