Göygöldə piyadanın ölümü ilə nəticələn ağır yol qəzası baş verib.

APA TV-nin yerli bürosunun məlumatına görə, hadisə rayonun Balçılı kəndi ərazisində qeydə alınıb. Belə ki, yolu keçmək istəyən piyada - Gəncə şəhər sakini, 36 yaşlı Fizuli Əsgərov “VAZ 2106” markalı minik maşını tərəfindən vurulub. Piyada xəstəxanaya aparılarkən yolda dünyasını dəyişib.

Faktla bağlı cinayət işi başlanıb. Araşdırma zamanı hadisənin “VAZ 2106” markalı avtomobilin sürücüsü, Göygöl rayon sakini, 32 yaşlı Emin Məmmədov tərəfindən törədildiyi müəyyən edilib. O, şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

Fuad Nazimoğlu

Mehdi Məmmədov

APA TV