Daxili İşlər Nazirliyində yeni kadr təyinatı olub.

 

Lent.az-ın əldə etdiyi məlumata görə, bununla bağlı Daxili İşlər naziri, general-polkovnik Vilayət Eyvazov müvafiq əmr imzalayıb.

 

Əmrə əsasən, sərəncamda olan polis polkovniki Şaiq Əliyev DİN-in Baş Cinayət Axtarış İdarəsinin baş əməliyyat müvəkkili vəzifəsinə təyinat alıb.

 

Ş.Əliyev bundan əvvəl Sabunçu rayon Polis İdarəsinin əməliyyat işləri üzrə rəis müavini vəzifəsində çalışıb.

 

Qeyd edək ki, DİN-in Baş Cinayət Axtarış İdarəsinin baş əməliyyat müvəkkili vəzifəsi mühüm postlardan sayılır. Bir zamanlar həmin vəzifədə ağır cinayətlərdə ittiham olunaraq həbs edilən və daha sonra həbsxanada intihar edən Hacı Məmmədov çalışıb.