11:47 29 noyabr 2022 137
Ana səhifə Xəbərlər

Həbsdə olan general müalicə müəssisəsinə yerləşdirildi

Müdafiə Nazirliyinin həbsdə olan Maliyyə və Büdcə İdarəsinin sabiq rəisi, general-mayor Nizami Məmmədovun səhhəti pisləşib.

 

APA-nın əldə etdiyi xəbərə görə, general-mayor Dövlət Təhlükəsizliyi Xidmətinin təcridxanasından Penitensiar Xidmətin müalicə müəssisəsinə köçürülüb.

 

O, hazırda həkim nəzarətindədir.

 

Məlumatı Nizami Məmmədovun vəkili Rəşad Mirmehdizadə də təsdiq edib.

Vəkil cinayət işi üzrə ibtidai istintaqın davam etdiyini qeyd edib. Onun sözlərinə görə, bu günə qədər iş üzrə dövlətə dəymiş ziyanın əksər hissəsi ödənilib, qalan hissənin də ödənilməsi davam etdirilir.

 

Xatırladaq ki, general-mayor Nizami Məmmədov Dövlət Təhlükəsizliyi Xidməti (DTX) tərəfindən həbs edilib.

 

Bakı Hərbi Məhkəməsinin qərarı ilə onun barəsində həbs-qətimkan tədbiri seçilib.

Müəllif | Apa.Tv

Apa.tv

Kodu kopyalayın