Ucar rayonunun Rəstəcə kəndində yeni məktəb binasını istifadəyə verilib. 1963-cü ildə inşa olunmuş məktəb ötən müddət ərzində köhnəldiyindən Heydər Əliyev Fondu yeni təhsil ocağının inşasını həyata keçirib. Fondun “Yeniləşən Azərbaycana yeni məktəb” proqramı çərçivəsində gördüyü işlər nəticəsində iki mərtəbə və üç korpusdan ibarət 180 şagird yerlik məktəb inşa olunaraq istifadəyə verilib. Burada da şagirdlərin yeni bilik və bacarıqlara yiyələnmələri üçün zəruri şərait yaradılıb. Məktəb mebel və avadanlıqlarla, fənn kabinetləri və labaratoriyalar əyani vəsaitlərlə tam təchiz edilib. Məktəbin açıq idman meydançası da qurulub