Hindistanda polislə toqquşmada 3 aksiya iştirakçısı öldürülüb.

APA TV-nin “Reuterts”ə istinadən məlumata görə, Assam ştatında keçirilən aksiya Parlamentin miqrantlar barədə verdiyi qərara qarşı keçirilib. 

Bundan əvvəl də adı çəkilən ştatda analoji məsələyə etiraz edən 3 nəfər həyatını itirib, 25 nəfər yaralanıb, onlarla insanı polis saxlayıb. Mərkəz Quvaxatidə komendant saatının tətbiq olunub, internetə müdaxilələr edilib. Assama əlavə polis və ordu qüvvələri yerləşdirilib.

Hindistan parlamenti vətəndaşlıq haqqında qanuna düzəlişlər edib. Düzəlişə əsasən, qonşu ölkələrdən - Əfqanıstan, Pakistan və Banqladeşdə təzyiq görən qeyri-müsəlman qaçqınlar Hindistan vətəndaşlığını sadələşdirilmiş qaydada əldə edə biləcək.

Assam sakinləri Banqladeşdən gələn yüz minlərlə vətəndaşın onların bölgəsində qanuni olaraq məskunlaşmasını istəmir.

Onlar hesab edir ki, bu, həyat şəraitini çətinləşdirəcək və kriminal hadisələr artacaq.