Paytaxtın Suraxanı rayonunda evlərdən oğurluq edən şəxslər saxlanılıb.

 

DİN mətbuat xidmətindən APA TV-yə verilən məlumata görə, Suraxanı Rayon Polis İdarəsinin əməkdaşları tərəfindən keçirilən əməliyyat nəticəsində Hövsan və Suraxanı qəsəbələrində oğurluq edən, əvvəllər məhkum olunmuş paytaxt sakinləri, Samir Abdullayev və Hüseynağa Bağırov tutulub.

 

Araşdırma zamanı Samir Abdullayevin Hövsan qəsəbəsində 10, Hüseynağa Bağırovun isə Suraxanıda 8 mənzildən pul, qızıl-zinət, məişət əşyaları, təmir-tikinti alətləri oğurladıqları məlum olub.

 

Faktla bağlı saxlanılan şəxslər barəsində cinayət işi başlanılıb, əməliyyat-istintaq tədbirləri davam etdirilir.