İmişli rayonunda fərdi yaşayış evində yanğın baş verib.
 

APA TV-nin Mil-Muğan bürosunun məlumatına görə, hadisə saat 18.00 radələrində İmişli rayonu Soltanmuradlı kəndində qeydə alınıb. Kənd sakini Əyyub Camalova məxsus  ümumi sahəsi 117 m² olan kürsülü bir mərtəbəli iki otaq və bir zaldan ibarət evdə qəfildən güclənən alov evi tam olaraq yanıb. Hadisə yerinə İmişli rayon Yanğından Mühafizə xidmətinin texnika və canlı qüvvəsi cəlb edilib. Alov söndürülərək ətraf ərazilərə keçməsinin qarşısı alınıb. Hadisə zamanı ev sakinlərindən xəsarət alan olmasa da ev içərisindəki əşyalarla birlikdə yanaraq yararsız hala düşüb.

Faktla bağlı araşdırma aparılır.