İsmayıllı Rayon Polis Şöbəsinə ərizə ilə müraciət edən Qalacıq kənd sakini Əhmədov Elvin Musa oğlu ona məxsus 90-FB-203 dövlət nömrə nişanlı “VAZ 2106” markalı minik avtomobilin qarajdan  oğurlandığını və daha sonra küçədə aşkar etdiyini bildirib.

 

APA TV-nin yerli bürosunun xəbərinə görə, İsmayıllı rayon Polis Şöbəsinin əməkdaşları tərəfindən avtomobilə baxış keçirildikdən sonra avtomobil öz sahibinə qaytarılıb.

Keçirilmiş əməliyyat-axtarış tədbirləri nəticəsində həmin avtomobili oğurlayan şəxsin zərərçəkmişin qonşusu, Qalacıq kənd sakini Şıxıyev Əziz Azər oğlu olduğu müəyyən edilib. O, şübhəli şəxs qismində saxlanılaraq rayon polis şöbəsinə gətirilib. Araşdırma zamanı  Əziz Şıxıyevin avtomobili oğurlayaraq, Qəbələ rayonu Vəndam qəsəbəsi istiqamətində hərəkətdə olan zaman nasazlıq səbəbindən onu idarə edə bilməmiş və həmin zaman oradan keçən evakuator avtomaşını ilə onu Qalacıq kəndi ərazisinə gətirib, daha sonra qaçaraq oradan uzaqlaşıb. 

 

Faktla bağlı İsmayıllı Rayon Polis Şöbəsində araşdırma aparılır.