İsmayıllıda evdən oğurluq edən keçmiş məhkum saxlanılıb.

 

APA TV-nin yerli bürosunun xəbərinə görə, rayon sakini Polis Şöbəsinə müraciət edərək evindən oğurluq edildiyini bildirib. Müraciətlə əlaqədar polis əməkdaşları tərəfindən hadisə yerinə baxış keçirilib. Bu zaman zərərçəkmişə məxsus evdən mirvari boyunbağının, qol saatının və digər əşyaların oğurlandığı müəyyən edilib.

 

Keçirilən əməliyyat tədbirləri nəticəsində hadisəni törədən şəxsin əvvəllər də oğurluğa görə məhkum olunmuş rayon sakini Samir Əsədli olduğu müəyyən olunub.

 

O, şübhəli şəxs qismində saxlanılıb. Oğurladığı əşyaların bir qismi ondan maddi sübut kimi götürülüb.

 

Faktla bağlı cinayət işi başlanılıb, istintaq aparılır.