İsmayıllı rayonu Cülyan kənd icra nümayəndəliyinin inzibati binasından, 1700 manat dəyərində kompüter dəsti naməlum şəxs və ya şəxslər tərəfindən oğurlanıb.

 

APA TV-nin yerli bürosunun xəbərinə görə, rayon Polis Şöbəsinə məlumat daxil olan kimi hadisə yerinə baxış keçirilib. Keçirilən əməliyyat-axtarış tədbirləri nəticəsində cinayət əməlini törətməkdə şübhəli bilinən, əvvəllər də məhkum olunmuş İsrəfil Alızadə saxlanılıb. Oğurladığı kompüterlər isə Quşencə kəndində yaşadığı evdən götürülərək maddi sübut kimi istintaqa təqdim olunub.

 

Faktla bağlı cinayət işi başlanılıb.

 

Şahnəzər Bəşirov,

APA TV