Gənclərin İnkişaf və Karyera Mərkəzinin İsmayıllı nümayəndəliyinin Gənc Könüllüləri ermənilərin Gəncə şəhərində törətdiyi terror hadisələrindən bəhs edən "Pray for Gandja" adlı guşə hazırlayıblar.

 

APA TV-nin yerli bürosunun xəbərinə görə gənc könüllülər Ermənistan ərazisindən Gəncə şəhərinə atılan raket nəticəsində baş vermiş terror hadisəsi və faciə qurbanlarının fotolarını çap edərək guşəyə yapışdırıblar.

 

Məqsəd Gəncə hadisələrini İsmayıllı sakinlərinin və rayona gələn qonaqların diqqətinə çatdırmaq, onlara ətraflı məlumatlar verməkdi.

 

Könüllülər terror hadisələrini dünya ictimaiyyətinin diqqətinə çatdırmaq üçün 4 dildə: Azərbaycan, rus, ingilis və fransız dillərində məlumatlar səsləndiriblər.

Şahnəzər Bəşirov

APA TV