Abşeron rayonunda narkotik yetişdirən şəxs saxlanılıb.

 

DİN mətbuat xidmətindən APA TV-yə verilən xəbərə görə, rayon Polis İdarəsinin Qobu Polis Bölməsinə Niyazi Məhərrəmovun yaşadığı evin həyətində, istixanada narkotik tərkibli çətənə kollarını əkdiyi barədə əməliyyat məlumatı daxil olub.

 

Həyata keçirilən əməliyyat nəticəsində Niyazi Məhərrəmov çətənə kollarına qulluq edən zaman saxlanılıb.

 

İstixanadan 14 kiloqram narkotik tərkibli çətənə bitkisi və həyətdə yerləşən yarımtikilidən 2 kiloqramdan artıq qurudulmuş marixuana aşkar olunaraq götürülüb.

 

Faktla bağlı cinayət işi başlanılıb istintaq tədbirləri davam etdirilir.