“Sonar” araşdırma mərkəzi mayın 28-də keçirilməsi gözlənilən seçkilərin 2-ci turundan əvvəl insanlar arasında sorğu keçirib. Mərkəzin rəhbəri Hakan Bayraqçı keçirilən sorğunun nəticələrini açıqlayıb.Nəticələrə əsasən, hazırkı Prezident Rəcəb Tayyib Ərdoğan 52,1% səslə qalib olacaq.

Qeyd edək ki, H.Bayraqçının mayın 3-də keçirdiyi sorğunun nəticələrinə görə, Rəcəb Tayyib Ərdoğan 48,8%, Kamal Kılıçdaroğlu isə 44,1% səs toplamışdı.

Ötən gün baş tutan seçkilərdə Ərdoğan 49,4, Kılıçdaroğlu isə 44,96 faiz səs toplayıb ki, bu da cüzi yanlışlığa rəğmən, sorğu şirkətinin ikinci tur olacağı barədə proqnozunu doğruldub.