Əmək və Əhalinin Sosial Müdafiəsi Nazirliyi tərəfindən Bakının Ramana, Kürdəxanı qəsəbələrində, Abşeron, Samux, Yevlax, Biləsuvar, Masallı, Bərdə, Saatlı rayonlarında, Naxçıvan şəhərində daha 50 mənzil şəhid ailələri və müharibə əlillərinə olan şəxslərə təqdim olunub.

Əmək və əhalinin sosial müdafiəsi nazirinin müavini Hidayət Abdullayev bildirib ki, Prezident İlham Əliyevin tapşırığına uyğun olaraq şəhid ailələri və müharibə iştirakçıları ilə bağlı geniş miqyaslı sosial dəstək proqramı icra olunub.

44 günlük Vətən müharibəsindən sonra 4560, ümumilikdə isə ötən dövrdə 13360 mənzil və fərdi ev şəhid ailələri, müharibə ilə əlaqədar əlilliyi olan şəxslərə təqdim edilib. Dövlət başçısının tapşırığı ilə bu il şəhid ailələri və müharibə əlillərinə ən azı 1500 mənzil, fərdi ev verilməsi nəzərdə tutulub.