İnsanları işləməməyə sövq etməkdən çəkinməliyik - Sahil Babayev

“İnsanları işləməməyə sövq etməkdən çəkinməliyik”.

 

APA xəbər verir ki, bunu Milli Məclisin bu gün keçirilən iclasında əmək və əhalinin sosial müdafiəsi naziri Sahil Babayev deyib. Sahil Babayev bildirib ki, nazirliyin İşsizlikdən Sığorta Fondunun ümumi büdcəsi çərçivəsində əsas mövqeyi aktiv məşğulluq proqramlarının genişləndirilməsidir: “Biz öz qazancını əldə etmək imkanını yaratmalıyıq. Bu sahədə siyasətimiz növbəti dönəmdə davam edəcək. 400 minə yaxın işsizi məşğulluq proqramı çərçivəsində işə düzəltmişik, 55 min şəxsin özünüməşğulluğu təmin edilib. İldə 15-16 min ailəni özünüməşğulluqla təmin edə bilərik. Bu sahədə müraciətlərin sayı 80-90 minə çatır. Prosesin tam şəffaf olması üçün bütün tədbirlər görülüb”.

 

"Şəhid ailələrinə, müharibə əlillərinə, veteranlarına xüsusi dəstək göstərilir”.

 

Bunu Milli Məclisin bu gün keçirilən iclasında əmək və əhalinin sosial müdafiəsi naziri Sahil Babayev deyib. Nazir bildirib ki, artıq bu kateqoriyadan olan 9000 şəxsə özünüməşğulluq aktivləri təqdim olunub:

 

 “Paralel olaraq, bu kateqoriyadan olan 16 min insan işə düzəlib. Bütün seqmentlər üzrə bu kateqoriyadan olan insanlara dəstəyimiz davamlı olacaq”.

Müəllif | Apa.Tv
Apa.tv