İpoteka haqqında qanuna bir sıra dəyişiklik təklif olunur. Milli Məclisdə müzakirə edilən dəyişikliklərə əsasən bank tərəfindən ipotekaya xitam verilərsə, bu halda əmlak ipoteka sahibinə - yəni vətəndaşa qalacaq. Amma hazırkı qanuna əsasən əmlak bankın sərəncamında saxlanılır. Deputat Vüqar Bayramov hesab edir ki, ipoteka sistemində təklif edilən bir sıra mühüm dəyişikliklərin reallaşması mümkün olacaq. Deputat həmçinin zaminlərlə bağlı yeni şərtlər və yeni maddələr barədə də danışdı. Müsahibimiz əlavə etdi ki, bütövlükdə ipoteka kreditləri ilə bağlı edilən dəyişikliklər pozitivdir. Bu, kredit götürən hüquqlarının daha möhkəm qorunmasına imkan verəcək.