İran İnqilab Keşikçiləri Korpusunun (SEPAH) 110-cu briqadasının komandiri Hüseyn Almasinin avtomobili atəşə tutulub.

 

APA TV Lent.az-a istinadən xəbər verir ki, hadisə ölkənin Sistan və Bəlucistan vilayətinin mərkəzi Zahidan şəhərində baş verib.

 

İran mediasının verdiyi məlumata görə, bu gün aprelin 23-ü səhər saatlarında baş verən hücum nəticəsində briqada komandiri yaralanıb, onun cangüdəni Mahmud Absalan isə yerindəcə həlak olub.

 

Qeyd edək ki, həlak olan cangüdən SEPAH-ın Sistan və Bəlucistandakı yüksək rütbəli komandiri general Pərviz Absalanın oğludur.