“Jiquli” aşdı: 3 nəfərin vəziyyəti ağırdır - ŞƏMKİRDƏ
Şəmkirdə avtomobil aşıb, yaralılar var.
APA TV-nin qərb bürosunun məlumatına görə, hadisə rayonun Seyfəli kəndi ərazisində qeydə alınıb.
“VAZ 2106” markalı minik maşını idarəetmədən çıxaraq aşıb. Nəticədə avtomobildə olan Seyfəli kənd sakinləri - 1980-ci il təvəllüdlü Bayramov Kamil Nurəddin oğlu, 1976-cı il təvəllüdlü İbrahimov Elxan Vilayət oğlu və Ələkbərov Sehman müxtəlif xəsarətlər alıb.
Onlar Şəmkir Mərkəzi Rayon Xəstəxanasına çatdırılsa da, vəziyyətləri ağır olduğundan Gəncə şəhər Təcili Tibbi Yardım Xəstəxanasına aparılıblar.
Faktla bağlı araşdırma aparılır.
