Ermənistanda kriminal qruplaşmanın üzvü olan keçmiş deputat öldürülüb.

 

APA TV-nin xəbərinə görə, kriminal avtoritet olan keçmiş deputatın evindəki növbəti yığıncaq silahlı insidentlə bitib.

 

“Hraparak” qəzeti yazır ki, insident zamanı hadisə yerində ölənlərdən biri erməni kriminal aləmin üzvü Artur Qazaryan, digəri isə Ermənistan parlamentinin keçmiş deputatı, “Kanakertsi Tuy” cinayətkar qruplaşmasının üzvü Artuş Simonyandır.

 

İnsident zamanı yaralanan digər 2 nəfər isə Araik Xaçatryan və Artur Boryan isə xəstəxanaya aparılarkən yolda ölüb.

 

Qanlı mübahisə zamanı daha 4 nəfər isə yaralanıb. Onların arasında Artuş Simonyanın oğlu da var.

 

Hadisə yerindən 28 ədəd müxtəlif çaplı güllə gilizləri, 4 tapança və 2 pulemyot tapılıb.

 

Faktla bağlı araşdırma aparılır.