Xızıda narkotik vasitələrin satışında şübhəli bilinən şəxs ələ keçib.

APA TV-nin şimal bürosunun məlumatına görə, polisin rayonun Şuraabad qəsəbəsində keçirdiyi əməliyyat nəticəsində qəsəbə sakini, 40 yaşlı Mehman Babayev saxlanılıb. Onun üzərindən 0,233 qram çəkidə narkotik maddə - heroin çıxıb.

M.Babayevə məxsus fərdi yaşayış evində keçirilmiş axtarış zamanı isə oradan narkotik maddə - tiryək və satış üçün nəzərdə tutulan, ümumi çəkisi 0,5 kq-a yaxın qurudulmuş marixuana tapılıb. Bundan əlavə qəsəbə sakinindən 1 ədəd əl qumbarası, 1 ədəd partladıcı və 17 ədəd 9 mm patron aşkar edilərək götürülüb.

Xatırladaq ki, saxlanılan şəxs əvvəllər də məhkumluq həyatı yaşayıb.

Faktla bağlı cinayət işi açılıb.