Lənkəranın Vilvan kənd uşaq bağçası  cəmi 40 uşaq qəbul edə bilir. Səbəb isə bağçanın korpuslarının və otaqlarının qəzalı vəziyyətdə olmasıdır. Vəziyyət o qədər təhlükəlidir ki, valideynlər qorxduqları üçün uşaqlarını bağçaya yazdırmırlar.

Kənd sakinləri bildirir ki, uşaqlarını bağçaya qoymaq istəyənlərin sayı çox olsa da ailələr uşaqlarının həyatı üçün qorxduğundan bağçaya yazdırmırlar.

Lənkəran Təhsil sektorundan bildirdilər ki, Vlivan kənd bağçasının vəziyyətindən xəbərdardırlar. Yaxın vaxtlarda yeni bağça binasının tikintisi nəzərdə tutulub.

Qeyd edək ki, Vilvan kənd uşaq bağçası 1973-cü ildən istifadəyə verilib. Vaxtilə bağça iki korpusdan ibarət olub. Bu korpuslarda 4 qrupda 80 uşaq təlim – tərbiyə alıb.

 

 

İlkin Rzayev

Rövşən Almazoğlu

APA TV  Lənkəran