İyunun 24-də saat 23:20 radələrində Culfa rayon prokurorluğuna Bənəniyar kənd sakini Elfanə Muradovanın öldürülməsi barədə məlumat daxil olub. Hadisənin bəzi təfərrüatları məlum olub. Belə ki, Ruslan Əliyev gecə saatlarında bacısı Elfanə Muradovaya küt alətlə zərbələr endirməyə başlayıb. Bacı aldığı xəsarətlərdən yerindəcə keçinib. Cinayəti törədən Ruslan Əliyev hadisə zamanı əsəbi halda olub. Qeyd edək ki, Əliyev Ruslan Məhərrəm oğlu saxlanılıb. Hazırda Culfa rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.