Kürdəmirdə mikroavtobus traktorla toqquşub, xəsarət alanlar var
Kürdəmirdə xəsarətlə nəticələnən yol qəzası baş verib.
APA Tv-nin yerli bürosunun xəbərinə görə, hadisə bu gün rayonun Salyan kəndində qeydə alınıb.
Göyçay rayon sakini, 1986-ci il təvəllüdlü Aqil Səmid oğlu Babayevin idarə etdiyi qoşqulu traktorla "Ford" markalı mikroavtobus toqquşub. Nəticədə 1988-ci il təvəllüdlü Elnur Maşallah oğlu Məlikov və 1989-cu il təvəllüdlü Pərvin Cəfər oğlu Qurbanov müxtəlif xəsarətlər alıblar.
" Ford"da sıxılmış vəziyyətdə qalan yaralılar Fövqəladə Hallar Nazirliyinin əməkdaşları tərəfindən çıxarılaraq aydiyyəti üzrə təhvil veriliblər.
Faktla bağlı araşdırma aparılır.
