Kürdəmir sakini əməliyyatdan sonra xəstəxanada ölüb.

 

APA TV-nin yerli bürosunun xəbərinə görə, rayonun Yenikənd kənd sakini, 1979-cu il təvəllüdlü Saray Ağamusa qızı Eminova Kürdəmir Mərkəzi Rayon Xəstəxanasına daxil olub. Xəstə əməliyyat olunub və səhəri gün xəstəxanada vəfat edib. Saray Eminovanın meyiti aidiyyəti üzrə təhvil verilib.

 

Mərhumun yaxınları ölüm hadisəsinin məhz həkim səhlənkarlığı səbəbindən baş verdiyini bildirirlər.  .  

 

Xəstəxanadan APA TV-nin yerli bürosuna verilən məlumata görə, xəstə  Saray Eminova "uşaqlığın Leomioması, qanaxma ilə"  diaqnozu ilə xəstəxanaya daxil olub. Əməliyyat prosesi  protokola uyğun olaraq icra edilib. Əməliyyat vaxtı heç bir ağırlaşma halı qeydə alınmayıb. Əməliyyatın səhəri gün xəstənin halı qəflətən pisləşib. Həkimlərin səyinə baxmayaraq o, xəstəxanada  dünyasını dəyişib. 

 

Faktla bağlı araşdırma aparılır.