Qobustan rayonunda bıçaqlanma hadisəsi baş verib.

 

APA TV-nin yerli bürosunun xəbərinə görə hadisə rayonun Ərəbqədim kəndində qeydə alınıb.

 

Kənd sakini, 1988-ci il təvəllüdlü Zaur Nuhbala oğlu Niyazov ailə münaqişəsi zəmində aralarında baş verən dava zamanı qayınatası, 1955-ci il təvəllüdlü Əhliman Şəkər oğlu Qəhrəmanovu və qaynı, 1990-cı il təvəllüdlü Nurlan Əhliman oğlu Qəhrəmanovu bıçaqlayıb. Yaralılar Şamaxı rayon Mərkəzi Xəstəxanasının cərrahiyyə şöbəsinə yerləşdirilib. 

Hadisəni törədən iki uşaq atası Zaur Niyazov polis əməkdaşları tərəfindən saxlanılıb. Faktla bağlı araşdırma aparılır.